Ən son xəbərləri bizim "X" səhifəmizdə izləyin
Böyük Britaniya səfiri AZAL-ın pilotu kimi - VİDEO
Böyük Britaniyanın Azərbaycandakı səfirliyinin təşəbbüsü ilə “Azərbaycan Hava Yolları” aviaşirkətinin Bakı ilə London arasında uçuşlarının tezliyinin artırılmasına həsr olunmuş videoçarx hazırlanıb.
Bu barədə “Azərbaycan Hava Yolları” QSC-nin Mətbuat Xidməti məlumat yayıb.
Videoda səfir Fergus Auld AZAL-ın uçuş heyətinin kapitanı obrazında çıxış edib. Burada diplomatın Heydər Əliyev Beynəlxalq Aeroportuna gəldiyi, “Boeing Dreamliner 787” təyyarəsinə mindiyi və pilot kabinəsinə baş çəkdiyi əks olunur.
“Böyük Britaniyanın Azərbaycandakı səfiri kimi mən bu ilin mart ayından etibarən Bakı ilə London arasında AZAL-ın uçuşlarının sayının artmasını və həftədə altı reysə çatdırılmasını məmnuniyyətlə qarşılayıram”, - deyə səfir bildirib.
Onun sözlərinə görə, yeni reyslər iki ölkə arasında qarşılıqlı münasibətlərin möhkəmlənməsinə töhfə verəcək, ticarət, turizm, mədəniyyət və təhsil sahələrində əməkdaşlıq üzrə geniş imkanlar yaradacaq.
Bu video Azərbaycan ilə Böyük Britaniya arasında aviasiya əlaqələrinin möhkəmlənməsini, həmçinin aviadaşımaların inkişafının əhəmiyyətini vurğulayır.
AZAL martın 17-dən London Qetvik Hava Limanına yeni reyslər həyata keçirməklə Bakı-London-Bakı marşrutu üzrə uçuşların tezliyini həftədə 6 reysə çatdıracaq.

"Azərbaycan Hava Yolları QSC (AZAL)" teqi üzrə xəbərlər
- AZAL 2025-ci ilin birinci rübünü uğurlu əməliyyat göstəriciləri ilə başa vurub
- AZAL təyyarəsinin qəzasında sağ qalan sərnişin: "Ən böyük yük isə stüardessanın üzərində idi"
- "Son uçuş" filminin müəllifi DANIŞDI: "Hadisə hər kəs kimi mənə də çox təsir etdi"
- AZAL təyyarəsinin qəzasında ölən yeniyetmənin anası: "Məhəmmədəlinin arzusu həyata keçdi"
- Azərbaycan hava limanları yaz-yay uçuş cədvəlinə keçir