İnfeksionist: Koronavirusun yoluxuculuğunun artması insanlar üçün yaxşı xəbərdir

Avropa, ABŞ və Asiyanın bəzi yerlərində yayılmış SARS-CoV-2 koronavirusunun mutasiyaya uğramış ştammı daha yoluxucu olmasına baxmayaraq, az ölümcüldür.

“Reuters”in məlumatına görə, bu barədə İnfeksion Xəstəliklər üzrə Beynəlxalq Cəmiyyətin (International Society for Infectious Diseases, ISID) prezidenti Pol Tambya deyib.

Onun sözlərinə görə, bir qayda olaraq, virusların əksəriyyəti mutasiya etdikcə daha az təhlükəli olur.

“Virus insanları öldürmədə deyil, mümkün qədər çox adama yoluxmada maraqlıdır, çünki qida və sığınacaq mənbəyi kimi sahibindən asılıdır”, - deyə Tambiya bildirib.