Prezidentliyi dövründə Tramp ilk dəfə yaralı polisə zəng etdi - FOTO/VİDEO

ABŞ-ın Kaliforniya ştatında Los-Ancelos şəhərində Kompton bölgəsində naməlum şəxs iki polisə qarşı silahlı hücum həyata keçirib. Yaralılar xəstəxanaya yerləşdirilib. ABŞ Prezidenti  Donald Tramp  yaralılardan biri olan Klaudiya Apolinara zəng edərək, səhhəti ilə maraqlanıb və onun tezliklə sağalması barədə diləklərini dilə gətirib.

“HaberGlobal”ın məlumatına görə, prezidentliyi müddətində Tramp ilk dəfədir ki, belə bir şey edir.

K.Apolinar aldığı zədələrə görə danışa bilməyib, Trampa cavablarını bir kağıza yazaraq, ünsiyyət qurub.

O da vurğulanıb ki, K.Apolinar hücum zamanı bir neçə güllə yarası almasına baxmayaraq, yaralanan 24 yaşlı həmkarını təhlükəsiz bir yerə sürüyərək, ilk yardımını edib. Buna görə də yerli mediada milli qəhrəmana çevrilib.

Prezidentliyi dövründə Tramp ilk dəfə yaralı polisə zəng etdi - FOTO/VİDEO