Dek
2023
18:00
21
74
867
Virtual karabakh

İsrail HƏMAS-ın Qəzza zolağında saxlamağa davam etdiyi girovlardan danışdı

1 Dek, 2023
18:00
867

İsrail HƏMAS-ın Qəzza zolağında saxlamağa davam etdiyi girovlardan danışdı

Bizim WhatsApp kanalımıza buradan abunə ola bilərsiniz

HƏMAS Qəzza zolağında 126 israilli və 11 əcnəbi olmaqla 137 nəfəri girov saxlamağa davam edir.

Bu barədə İsrail hökumətinin rəsmi nümayəndəsi Eylon Levi xarici jurnalistlər üçün keçirdiyi brifinqdə bildirib.

“HƏMAS-ın İsrail xalqına qarşı döyüşləri bərpa etdiyi tarixdə (dekabrın 1-i səhər saatlarında) hərəkat əsir götürülən 137 nəfəri girov saxlamağa davam edir. Bunlar 126 israilli və 11 əcnəbidir”, - deyə o Eylon Levi bildirib.

Onun sözlərinə görə, girovlar arasında 4 yaş və 10 aylıq iki uşaq var ki, HƏMAS bu uşaqların öldüklərini deyir. Levi qeyd edib ki, hazırda Qəzzada saxlanılan 137 girovdan 20-si qadındır. Həmçinin HƏMAS-ın əlində olan əcnəbilər arasında səkkiz Tailand, bir Nepal, bir Tanzaniya, Fransa və Meksikanın ikili vətəndaşlığına malik şəxsin olduğunu açıqlayıb.

Levi əlavə edib ki, Qəzza zolağında oktyabrın 7-də İsrailə hücumdan əvvəl HƏMAS tərəfindən əsir götürülən 4 nəfər də var.

İsrail Nazirlər Kabinetinin nümayəndəsi bildirib ki, noyabrın 24-dən dekabrın 1-dək davam edən döyüş fasiləsi zamanı İsrailin HƏMAS-a hərbi təzyiqi sayəsində 110 oğurlanan insan Qəzza zolağından azad edilib. “Onlardan 86-sı israilli, 24-ü isə əcnəbidir”, - deyə o əlavə edib.

Mənbə: TASS

Bizimlə əlaqə saxlayın

Digər Dünya xəbərləri