Myanmada dörd il davam edən fövqəladə vəziyyət rejimi yenə uzadıldı

Myanma hakimiyyəti ölkədə fövqəladə vəziyyət rejimini daha altı ay uzadır.

Oxu.Az-ın "Myanmar Digital News" portalına istinadla məlumatına görə, qərar ölkənin hərbi hökuməti tərəfindən elan edilib.

"Ümumi seçkilərin uğurla keçirilməsi üçün hələ çox işlər görülməlidir. Əsasən, azad və ədalətli ümumi seçkilərin keçirilməsi üçün sabitlik lazımdır", - deyə bəyanatda bildirilib.

Qeyd edək ki, Myanmada fövqəladə vəziyyət rejimi 2021-ci ilin fevralından qüvvədədir. Həmin vaxt Myanmada hərbçilərin parlament seçkisinin nəticələri ilə razılaşmaması səbəbindən hərbi çevriliş baş verib. 2024-cü ilin avqust ayının əvvəlində Myanmada hərbi rejimə qarşı mübarizə aparan silahlı qruplaşmalar Şan ştatında silahlı qüvvələrin şimal-şərq regional komandanlığının qərargahını ələ keçiriblər. Bundan sonra sosial şəbəkələrdə və KİV-də dövlət çevrilişi barədə məlumatlar yayılmağa başlayıb. Lakin hakimiyyət bu məlumatı təkzib edib və hökumətin birgə səylərlə öz vəzifələrini yerinə yetirməyə davam etdiyini bildirib.