Üç gündür itkin düşən oğlanın telefonu kanalın kənarından tapıldı

Ağcabədidə itkin düşən gənc oğlanla bağlı bəzi detallar məlum olub.

Oxu.Az ATV-yə istinadən xəbər verir ki, ailəsi 17 yaşlı Adil Həsənovdan 3 gündür ki, xəbər ala bilmir.

"Evdən çıxarkən hara getdiyi barədə məlumat verməyib. Telefonu Yuxarı Qarabağ kanalının kənarından tapılıb. Heç kimlə problemi, davası olmayıb. Fəhlə işləyərək çörəyini qazanırdı, borcu da yox idi" , - deyə axtarılan gəncin atası Əkbər Həsənov bildirib.

Ətraflı süjetdə:

Üç gündür itkin düşən oğlanın telefonu kanalın kənarından tapıldı

11:02

Ağcabədidə itkin düşdüyü bildirilən gənc oğlan kanalda batıb.

Bu barədə Oxu.Az-a Fövqəladə Hallar Nazirliyindən (FHN) məlumat verilib.

Bildirilib ki, Yuxarı Qarabağ kanalının Ağcabədi rayonu, Xocavənd kəndindən keçən hissəsində bir nəfərin batması barədə məlumat daxil olub.

Məlumatla əlaqədar FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar.

10:40

Ağcabədidə gənc oğlan itkin düşüb.

Oxu.Az Lent.az-a istinadən xəbər verir ki, şəhərin Babək küçəsində yaşayan 17 yaşlı Adil Əkbər oğlu Həsənov fevralın 4-də evdən çıxaraq geri qayıtmayıb.

Bu barədə onun atası polisə müraciətində bildirib.

Araşdırma zamanı Adil Həsənova məxsus "Redmi" markalı mobil telefon Yuxarı Qarabağ kanalının kənarında tapılıb.

Faktla bağlı araşdırma aparılır.