ABŞ-də fırtına və tornadolar tüğyan edir: Ölənlər və yaralananlar var

ABŞ-nin Orta Qərbi ştatlarında və cənubunda fırtınalar və tornadolar nəticəsində azı 16 nəfər ölüb.

Oxu.Az xəbər verir ki, bu barədə "NBC News" telekanalı məlumat yayıb.

Qeyd olunur ki, təbii fəlakət nəticəsində Missuri ştatında 10, Arkanzasda 3, Texasda daha 3 nəfər həlak olub.

Bundan əlavə, Arkanzasın səkkiz əyalətində 29 nəfər xəsarət alıb və Missuridə isə 316 min insan elektrik enerjisiz qalıb.

Məlumata görə, ABŞ-nin digər ştatlarında da tornado xəbərdarlığı edilib.