Abdolbari Gozalın oğluna yüksək VƏZİFƏ VERİLDİ

"Azersun Holdinq"in Müşahidə Şurasına yeni sədr təyin edilib.

Oxu.Az xəbər verir ki, şirkətdən verilən məlumata görə, bu vəzifəyə Əhməd Gozal gətirilib.

O, uzun illər şirkətin idarəedici strukturunda müxtəlif vəzifələrdə çalışıb və 2018-ci ildən etibarən Müşahidə Şurasının sədr müavini, eyni zamanda, Təftiş Komissiyasının sədri olub. 2022-ci ildən isə Azərbaycan Sənaye Bankı ASC-nin Müşahidə Şurasına rəhbərlik edir.

Əhməd Gozal 2006-cı ildə Bilkent Universitetində menecment ixtisası üzrə təhsil alıb. Elə həmin ildən "Azersun Holdinq"in fəaliyyətində aktiv iştirak edib.

Qeyd edək ki, o, bu ilin yanvarında vəfat etmiş Abdolbari Gozalın oğludur.