Ağsu rayonunda bacı və qardaş dəm qazından zəhərləniblər.
Oxu.Az-ın əldə etdiyi məlumata görə, rayonun Kəndoba sakinləri 1996-cı il təvəllüdlü Məhəmməd Cabir oğlu Əliyev və bacısı, 2002-ci il təvəllüdlü Aynur Cabir qızı Əliyeva yaşadıqları mənzildə dəm qazından zəhərlənərək Ağsu Rayon Mərkəzi Xəstəxanasına yerləşdiriliblər.
Ağsu Rayon Mərkəzi Xəstəxanasından Oxu.Az-a verilən məlumata görə, hazırda bacı-qardaşın vəziyyəti stabildir:
"Yanvarın 2-si saat 06:00-da Ağsu Rayon Mərkəzi Xəstəxanasına dəm qazından zəhərlənmə şübhəsi ilə 2 nəfər (1 kişi, 1 qadın) hospitalizasiya olunub.
Onlara zəruri tibbi xidmətlər göstərilib. Hazırda müalicələri davam etdirilir, vəziyyətləri stabildir", - məlumatda qeyd olunub.
Aygün Mirakif
