Azərbaycanda bir yaşa qədər ölən uşaqların sayı azalıb.
Oxu.Az xəbər verir ki, Trend statistik məlumatlara istinadən bu haqda məlumat verib. 2010-cu ildə 1843, 2011-ci ildə 1903, 2012-ci ildə 1884, 2013-cü ildə 1862, 2014-cü ildə 1655, 2015-ci ildə isə 2033 nəfər, 2016-cı ildə 1 666 nəfər bir yaşa qədər uşaq dünyasını dəyişib.
Uşaq ölümlərinin səbəbləri arasında perinatal dövrdə meydana çıxan hallardan ölüm səbəbi birinci yerdə dayanır. Ötən il 1 090 uşaq bu səbəbdən dünyasını dəyişib.
Ötən il tənəffüs sistemi xəstəliklərindən 173, bəzi infeksiyon və parazitar xəstəliklərdən 37, anadangəlmə anomaliyalardan (inkişaf qüsurlarından), deformasiyalar və xromosom pozğunluqlarından 151 nəfər, travmalar, zəhərlənmələr və digər nəticələrdən 7 nəfər bir yaşa qədər uşaq dünyasını dəyişib.
Ötən il hər 10 000 nəfər diri doğulana bütün səbəblərdən bir yaşa qədər ölən uşaqların sayına görə 113,6 uşaq düşüb. 2015-ci ildə bu rəqəm 109,5, 2014-cü ildə 102,5, 2013-cü ildə 107,9 olub.
A.M.
