İyunun 30-da “Arena” idman peyntbolu klubunda (Paintball Club “Arena” - www.paintball-arena.az) gənclər arasında Azərbaycan Silahlı Qüvvələrinin 95-ci ildönümünə həsr olunmuş Çempionat keçiriləcək. Oxu.Az xəbər verir ki, turnirin əsas məqsədi yeni başlayan oyunçulardan ibarət yeni idman komandalarının yaradılması, sağlam həyat tərzinin təbliği və hərbi-vətənpərvərlik ruhunun yüksəldilməsidir. Bir əyləncə növü kimi peyntbol Azərbaycanda çoxdan mövcud olsa da, idman növü kimi bir müddət əvvəl inkişafa başlayıb. Çempionatın qaliblərindən başqa, digər iştirakçılar aşağıdakı nominasiyalarda mükafatlandırılacaqlar: 1. Çempionatın ən gənc iştirakçısı 2. Ən cəsur oyunçu (kişilər arasında) 3. Ən cəsur oyunçu (qadınlar arasında) Çempionatın qonaqları üçün pulsuz tir təşkil olunacaq və burada aşağıdakı nominasiyalar üzrə mükafatlar oynanılacaq: 1. Kişilər arasında ən yaxşı atıcı 2. Qadınlar arasında ən yaxşı atıcı 3. Uşaqlar arasında ən yaxşı atıcı Qeyd edək ki, Oxu.Az saytı tədbirə informasiya dəstəyi göstərir. www.oxu.az
