Bakıda məşhur mağaza YANDI: Hadisə yerindən GÖRÜNTÜLƏR

Bakının Nərimanov rayonunda mağaza yanıb.

Oxu.Az xəbər verir ki, bu barədə Fövqəladə Hallar Nazirliyindən (FHN) məlumat verilib.

Bildirilib ki, Nazirliyin "112" qaynar telefon xəttinə paytaxtın Nərimanov rayonu, Əliəşrəf Əlizadə küçəsində yerləşən mağazada yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub.

Yanğınsöndürənlərin çevik müdaxiləsi sayəsində ümumi sahəsi 30 kvadratmetr olan musiqi alətlərinin satışı mağazasının anbarında baş vermiş yanğın genişlənməsinə imkan verilmədən qısa müddətdə söndürülüb.

"Yanğın nəticəsində mağazanın anbar hissəsində 6 kvadratmetr sahədə musiqi alətləri, 6 p.m. elektrik kabeli və 3 ədəd elektrik açarı yanıb.

Anbarın böyük hissəsi və mağaza yanğından mühafizə olunub", - məlumatda vurğulanıb.

Bakıda məşhur mağaza YANDI: Hadisə yerindən GÖRÜNTÜLƏR

19:48

Bakının Nərimanov rayonunun Ələşrəf Əlizadə küçəsində yanğın olub.

Oxu.Az "Unikal"a istinadən məlumat verir ki, hadisə "Promusic" musiqi alətləri mağazasında baş verib.

Yanğın qısaqapanma nəticəsində meydana gəlib, işçilər təxliyə ediliblər.

Həmin görüntüləri təqdim edirik: