Ən son xəbərləri bizim "WhatsApp" kanalımızda izləyin

"Binamızın qarşısındakı ağacları qurd basıb, baxan yoxdur" - ŞİKAYƏT
Bakının Nəsimi rayonunda, 5-ci mikrorayon, Asif Məhərrəmov küçəsi, 46 ünvanını qurd basıb.
Oxu.Az xəbər verir ki, bununla bağlı videogörüntü sosial şəbəkədə paylaşılıb.
"Binamızın qarşısındakı ağacları qurd basıb. Çöldə gəzə bilmirik, uşaqları həyətə buraxmağa qorxuruq. Dəfələrlə aidiyyəti üzrə müraciət etmişik, amma gəlib baxan və maraqlanan yoxdur", - deyə sakin qeyd edib.
Məsələ ilə bağlı Bakı Şəhər Yaşıllaşdırma Təsərrüfatı Birliyinə sorğu ünvanladıq.
Qurumdan Oxu.Az-ın sorğusuna cavab olaraq bildirildi ki, məsələ ilə bağlı tədbir görülüb.
"Bir neçə gün bundan əvvəl Nəsimi rayonu ərazisində ağacları qurd basması qeydə alınıb. Həmin məsələ ilə bağlı birliyin əməkdaşları 5-ci mikrorayon, Asif Məhərrəmov küçəsində olublar və həmin ağaclar artıq dezinfeksiya edilib", - deyə açıqlamada vurğulanıb.
Əzizə İsmayılova
"Sakin şikayəti" teqi üzrə xəbərlər
- Cəlilabadın qazsız qalan 15 kəndi: Problem nə zaman həll olunacaq?
- Həftəsonu parklanma qaydalarını pozanlar sakinləri narahat edirlər: "Buna göz yumurlar" - ŞİKAYƏT
- 17 nömrəli marşut avtobusunun hərəkət istiqamətindəki dəyişiklik narazılığa SƏBƏB OLDU
- Nəsimi rayonuda yerləşən evə pəncərədən daxil olurlar? - AÇIQLAMA
- Hövsanda çirkab su zirzəmilərə dolub: "Milçək əlindən oturmaq olmur"