"COP29 ərəfəsində əsas təşəbbüslərimizdən biri atəşkəs çağırışı ilə bağlı olacaq. Bu, çox mühüm bir təşəbbüsdür".
Oxu.Az xəbər verir ki, bunu 12-ci Beynəlxalq "Caspian Energy Forum"da COP29 Fəaliyyət Gündəliyinin Qlobal Təşəbbüslər Qrupunun həmsədri Elmar Məmmədov deyib.
Onun sözlərinə görə, digər təşəbbüs yaşıl rəqəmsal fəaliyyət Bəyannaməsi ilə bağlıdır: "Ötən il Yaşıl Rəqəmsal fəaliyyət sahəsində özəl sektor tərəfindən vəd qəbul edilib. Bunun ilk dəfə olaraq tematik bir gündə - COP29-da nazirlər səviyyəsində qaldırılması nəzərdə tutulur".
"Növbəti təşəbbüsümüz iqlim dayanıqlılığı üçün İnsan İnkişafı üzrə Bakı təşəbbüsüdür. Bu təşəbbüs çərçivəsində bir neçə sahələri bir araya gətirərək sektorlararası əlaqələndirməni qlobal səviyyədə gücləndirməyi nəzərdə tuturuq. Xüsusilə təhsil, səhiyyə, iş yerlərinin yaradılması, ələlxüsus yaşıl iş yerləri - bu sahələri bir araya gətirərək qlobal strateji əməkdaşlığı təmin etmək istəyirik", - deyə həmsədr vurğulayıb.
Mərahim Nəsib
Rəylər