Məşhur cərrah Dilqəm Məhərrəmovun lisenziyası ilə bağlı AÇIQLAMA

"Baku Medical Plaza" estetik cərrah Dilqəm Məhərrəmovla bağlı yayılan xəbərlərə aydınlıq gətirib.

Oxu.Az xəbər verir ki, klinikanın "Medilux" filialının da daxil olduğu "AZERA Holdinq"in biznesin inkişafı departamentinin rəhbəri Elnur Kələntərov "Qafqazinfo"ya bildirib ki, yayılan məlumat həqiqəti əks etdirmir. Dilqəm Məhərrəmov işinin başındadır.

20:12

Səhiyyə Nazirliyi 10-a yaxın estetik cərrahın sertifikasiya şəhadətnaməsini ləğv edib.

Oxu.Az Bakupost.az-a istinadən məlumat verir ki, məşhur plastik rekonstruktiv cərrah, Xalq artisti Aygün Kazımovanın plastik cərrahı kimi tanınan Dilqəm Məhərrəmovun da lisenziyasının vaxtı bitib və ona yeni sertifikasiya şəhadətnaməsi verilməyib.

Qeyd edək ki, onun həyat yoldaşı Nərgiz Əhmədova da plastik cərrah kimi fəaliyyət göstərirdi.

Sertifikasiya şəhadətnaməsi ləğv edilənlər arasında N.Əhmədovanın da adı var. D.Məhərrəmov və həyat yoldaşının işlərinə davam edib-etməyəcəyi sual altındadır.