Ən son xəbərləri bizim "Facebook" səhifəmizdə izləyin
Metroda tibb məntəqələri quraşdırılacaq?
Hər gün minlərlə insan metrodan istifadə edir. Günün pik saatlarında isə bu rəqəm bir neçə dəfə artır. Bəzi hallarda sərnişinlər arasında səhhəti pisləşən şəxslər olur ki, bu da metrostansiyalarda tibb məntəqələrinin quraşdırılması məsələsini gündəmə gətirir.
"Sıxlıq zamanı insanların halı pisləşir. Belə hallarda yardım göstərilməsi üçün metrostansiyalarda tibb məntəqələrinin yaradılması yaxşı olardı" , - deyə sakin Baku TV-nin mövzu ilə bağlı sakinlər arasında keçirdiyi sorğu zamanı deyib.
Türkiyə, Kanada, İsrail və Norveç kimi ölkələrdə metrostansiyalarda tibb məntəqələrinin quraşdırılması təcrübəsi mövcuddur. Bəs görəsən, bu təcrübə Azərbaycanda tətbiq oluna bilərmi?
Məsələ ilə bağlı Səhiyyə Nazirliyindən bildirilib ki, hər hansı dövlət müəssisəsində tibb məntəqəsi yaradılması üçün ilk növbədə Nazirliyə müraciət edilməlidir:
"Müraciət əsasında yaradılan məntəqə Respublika Gigiyena və Epidemiologiya Mərkəzinin əməkdaşları tərəfindən yoxlanılır və müvafiq rəy verilir. Müsbət rəy alındığı halda, məntəqədə çalışacaq tibb heyətinin seçimi aidiyyəti qurum tərəfindən həyata keçirilir".
"Bakı Metropoliteni" QSC-nin sözçüsü Bəxtiyar Məmmədov isə bildirib ki, səhiyyə sistemi ilə qarşılıqlı əməkdaşlıq davamlı şəkildə təmin edilir:
"Son dövrlərdə metropoliten daha çox təcili və təxirəsalınmaz tibbi yardım xidməti ilə əməkdaşlığı genişləndirib. Bununla belə, dövri monitorinqlər aparılır və nəticələri təhlil edilir".
Ətraflı süjetdə:
"Bakı Metropoliteni QSC" teqi üzrə xəbərlər
- Bakı metrosunda qatarlar arasında interval niyə 9 dəqiqəyə çatır?
- Bakıda artıq bir neçə yeni metro stansiyasının yeri müəyyənləşdirilib
- "Ulduz" stansiyasında relsin üzərinə düşən sərnişinin vəziyyəti AÇIQLANDI
- Bakı metrosunda PROBLEM: Sərnişin relsin ÜZƏRİNƏ DÜŞDÜ
- Metroda gediş haqqı 55 qəpik olacaq? - RƏSMİ CAVAB
Rəylər