Renson Mulele İnqonqan: "Azərbaycanda keçiriləcək COP29-dan yüksək nəticələr gözləyirəm"

"Düşünürəm ki, COP29 qlobal mühiti yaxşılaşdırmaq üçün istifadə edilə bilən bütün amillərin artırılması istiqamətində işləyəcək".

Oxu.Az xəbər verir ki, bunu BMT-nin İqlim Dəyişmələri üzrə Çərçivə Konvensiyasının Tərəfləri Konfransının 29-cu sessiyasında (COP29) Keniya baş prokuroru Renson Mulele İnqonqan jurnalistlərə açıqlamasında deyib.

O qeyd edib ki, Azərbaycanda keçirilən COP29-dan yüksək nəticələr gözləyir:

"İqlim dəyişikliyinə gəldikdə, ətraf mühitimizin çirkləndirilməsi və deqradasiyası var. Düşünürəm ki, bu konfrans qlobal mühiti yaxşılaşdırmaq üçün istifadə edilə bilən bütün amillərin artırılması istiqamətində işləyəcək".

O vurğulayıb ki, bu vəzifədə Azərbaycana gəlişi ilk dəfə idi:

"Həm COP29 tədbiri, həm də bu çərçivədə hüquq-mühafizə orqanlarının keçirdiyi tədbir çox yaxşı təşkil edilib. Çıxışçılar Azərbaycanı yüksək səviyyədə təşkil olunmuş BMT konfransına ev sahibliyi etdiyinə görə alqışlayıblar".

Məhərrəm Əliyev