Rusiyada tikintidə yıxılaraq ölən zaqatalalı fəhlənin kimliyi məlum olub

Bir neçə gün öncə Rusiyanın Nijni Novqorod şəhərində tikintidə çalışan azərbaycanlı fəhlənin 17-ci mərtəbədən yıxılıb ölüb.

Həmin şəxsin kimliyi məlum olub.

Bizim.media-ya daxil olan məlumata görə, ölən şəxs Zaqatala rayonu Yeni Suvagil kənd sakini, 49 yaşlı Faiq Mirzəyev olub.

Eyni şəhərdə Zaqataladan olan daha bir şəxs - Dağlı kənd sakini 23 yaşlı Məhəmməd Rövşən oğlu Məmmədov da fəhlə işlədiyi binanın 25-ci mərtəbəsindən yıxılaraq ölüb.

Xatırladaq ki, həmin xəbərdə hadisənin Kanavin rayonunun Çonqarskaya küçəsində tikintisi aparılan "Jurovada" yaşayış kompleksində baş verdiyi və inşaat rəhbərinin insidenti gizlətdiyi qeyd edilmişdi.