"Yüksəliş" müsabiqəsinin VI mövsümü üzrə qeydiyyat müddəti ərzində prosesdə iştirak etmək üçün ümumilikdə 17 651 nəfər müraciət edib. Müqayisə üçün qeyd edək ki, ötən mövsümdə bu rəqəm 16 553 nəfər təşkil edib".
Oxu.Az xəbər verir ki, bunu "Yüksəliş" müsabiqəsinin mətbuat konfransında gənclər və idman nazirinin müavini, "Yüksəliş" müsabiqəsinin İşçi Qrupunun rəhbəri Fərhad Hacıyev deyib.
O bildirib ki, qeydiyyatdan keçən namizədlərin 13 101-i kişi, 4 550-si qadındır:
"Müsabiqəyə müraciət edənlər arasında 10 120 nəfər ötən illərdə də iştirak etmiş namizədlərdir, 7 531 nəfər isə ilk dəfə müraciət edən şəxslərdir. Ərazi bölgüsünə əsasən, namizədlərin əksəriyyəti Bakı, Abşeron-Xızı və Qarabağ iqtisadi rayonlarını təmsil edir. İştirakçıların yaş bölgüsünə nəzər saldıqda 21-30 yaş aralığında 6 248 nəfər, 31-40 yaş aralığında 8 974 nəfər, 41-51 yaş aralığında isə 2 429 nəfərin iştirak etdiyi müşahidə olunur".
