"İDTech Academy"in nəzdində fəaliyyət göstərən "İDSchool" uşaqlar və yeniyetmələr üçün İT tədris mərkəzinin tələbələri Atlantia Beynəlxalq STEM Olimpiadalarının Azərbaycan mərhələsində böyük uğura imza atıblar.
Oxu.Az xəbər verir ki, oktyabrın 31-də keçirilən yarışda "İDSchool" tədris mərkəzini təmsil edən 21 tələbə 5 fərqli kateqoriya üzrə innovativ layihələri ilə iştirak edib. Gərgin rəqabət şəraitində məktəbin komandaları 4 kateqoriyada birinci, bir kateqoriyada isə üçüncü yerə layiq görülüblər.
Tələbələrin təqdim etdiyi layihələr proqram təminatı, süni intellekt, kibertəhlükəsizlik, biotexnologiya və ətraf mühitin mühafizəsi kimi aktual istiqamətləri əhatə edib. "İDSchool" tədris mərkəzinin tələbələri real problemlərə texnoloji həllər təklif edən layihələri ilə həm biliklərini, həm də innovativ düşüncə və komanda işi bacarıqlarını nümayiş etdiriblər.
"İDSchool" tədris mərkəzinin qalib layihələri və əldə etdiyi nəticələr
1. "Software Projects" - I yer
Layihə: "PawConnect"
İştirakçı sayı: 4 tələbə.
"PawConnect" sahibsiz heyvanların sahibləndirilməsi prosesini asanlaşdırmaq və sürətləndirmək məqsədilə hazırlanmış innovativ veb-platformadır. Platforma sığınacaqlarda olan heyvanların tibbi vəziyyətini və xarakterik xüsusiyyətlərini istifadəçilərin həyat tərzinə uyğunlaşdıraraq daha uyğun sahibləndirmə imkanları yaradır. Eyni zamanda, sığınacaqlara daxil olan müraciətlərin vahid admin paneli üzərindən rahat və sistemli idarə olunmasını təmin edir.
2. "Artificial Intelligence Systems" - I yer
Layihə: "CamOn"
İştirakçı sayı: 4 tələbə.
"CamOn" parkların təmizliyinə nəzarət etmək üçün hazırlanmış süni intellekt əsaslı sistemdir. Kamera vasitəsilə ərazidəki tullantıları saniyələr ərzində aşkar edən sistem təmizlik işçilərinə tullantıların yerləşdiyi ərazilər barədə operativ məlumat verir. Beləliklə, parkların təmizliyinin daha səmərəli təşkilinə və şəhər mühitinin qorunmasına texnoloji dəstək göstərir.
3. "Cybersecurity Projects" - I yer
Layihə: "True Sight"
İştirakçı sayı: 3 tələbə.
"True Sight" deepfake texnologiyası ilə yaradılmış videoların aşkarlanması və real videolardan fərqləndirilməsi istiqamətində hazırlanmış layihədir. Süni şəkildə yaradılmış və ya dəyişdirilmiş video materialların müəyyənləşdirilməsinə yönələn bu həll rəqəmsal informasiya təhlükəsizliyi, dezinformasiyaya qarşı mübarizə və media savadlılığı baxımından aktual əhəmiyyət daşıyır.
4. "Biotechnology" - I yer
Layihə: "Smart Food Guardian"
İştirakçı sayı: 5 tələbə.
"Smart Food Guardian" qidaların təzəliyini və təhlükəsizliyini izləmək üçün hazırlanmış ağıllı sensor sistemidir. Qurğu soyuducunun daxilindəki havada qida məhsulları xarab olarkən yaranan qazları, temperaturu və rütubəti ölçərək mümkün riskləri müəyyənləşdirir.
Sistem qidanın vəziyyətini yaşıl, sarı və qırmızı işıq indikatorları vasitəsilə istifadəçiyə təqdim edir və internet bağlantısı olmadan da işləyə bilir.
Layihənin əsas üstünlüyü qidanın xarab olma prosesinin ilkin mərhələlərində mümkün dəyişiklikləri aşkarlamağa yönəlməsidir. Bu yanaşma qida israfının azaldılmasına və qida təhlükəsizliyi ilə bağlı risklərin daha erkən müəyyənləşdirilməsinə kömək edə bilər.
5. "Environmental Projects" - III yer
Layihə: "Smart Water Guardian"
İştirakçı sayı: 5 tələbə.
"Smart Water Guardian" suyun keyfiyyətində baş verə biləcək dəyişiklikləri real vaxt rejimində izləmək üçün hazırlanmış portativ prototip qurğudur.
Bir neçə sensor və xəbərdarlıq sistemindən ibarət olan qurğu ölçülən göstəricilər müəyyən edilmiş risk həddinə çatdıqda istifadəçini işıq və səs siqnalları ilə xəbərdar edir.
Layihənin əsas məqsədi suyun keyfiyyəti ilə bağlı məlumatlılığı artırmaq, daha operativ təhlükəsizlik qərarlarının qəbulunu dəstəkləmək və gündəlik su istifadəsi üçün əlçatan erkən xəbərdarlıq həlli təqdim etməkdir.
"İDSchool" tədris mərkəzinin uğur hekayəsi davam edir!
"İDSchool" tədris mərkəzi tələbələrinin Atlantia Beynəlxalq STEM Olimpiadasında qazandığı 4 birincilik və 1 üçüncülük onların texnoloji biliklərinin, yaradıcı düşüncə qabiliyyətlərinin, komanda işinin və real problemlərə innovativ həllər təqdim etmək bacarıqlarının göstəricisidir.
Bu nəticə eyni zamanda "İDSchool"da formalaşan layihəyönümlü təhsil yanaşmasının, praktiki öyrənmənin və tələbələrin texnologiya sahəsində inkişafına verilən önəmin əhəmiyyətini nümayiş etdirir.
"İDSchool" tədris mərkəzi olaraq bu uğurda əməyi olan bütün tələbələrimizi və mentorlarımızı təbrik edir, onların gələcəkdə daha böyük nailiyyətlər əldə edəcəklərinə inanırıq.
"İDSchool" tədris mərkəzi - gələcəyin texnologiyalarını öyrənən deyil, yaradan gənclərin ünvanı!
"Instagram":
https://www.instagram.com/idschool.az?mdxt=M2MyeWk4eW45dWxq
Telefon: "İDSchool" - (+99410) 333-13-14; "İDTech" - (+99410) 333-23-24.
Saytlar:
https://idtech.edu.az/az/idschool
Ünvan:
Afiyəddin Cəlilov küçəsi, "Park Azure", 2-ci mərtəbə.
