09 iyul 2026-cı il tarixində "Qala Sığorta" ASC və "Qala Həyat Sığorta" ASC tərəfindən "Sea Breeze Resort" ərazisində yeni ofisinin açılış mərasimi keçirilib.
Oxu.Az xəbər verir ki, açılış mərasimində "Qala Sığorta" və "Qala Həyat Sığorta" şirkətlərinin Direktorlar Şurasının sədri Kamal İbrahimov, "Sea Breeze Resort"un təsisçisi Emin Ağalarov, hər iki şirkətin rəhbər və işçi heyəti iştirak ediblər.
Tədbirdə çıxış edən Kamal İbrahimov yeni ofisin məhz "Sea Breeze Resort" ərazisində fəaliyyətə başlamasının xüsusi əhəmiyyət daşıdığını qeyd edib.
O bildirib ki, "Sea Breeze Resort" beynəlxalq səviyyəli turist şəhərciyi kimi həm yerli, həm də xarici qonaqların intensiv şəkildə üz tutduğu məkandır və burada fəaliyyət göstərən ofis vasitəsilə onların sığorta ehtiyaclarının operativ və rahat şəkildə qarşılanması təmin olunacaq.
Yeni ofis "Sea Breeze Resort" ərazisində fəaliyyət göstərən ilk sığorta ofisi olmaqla, həm rezidentlər, həm qonaqlar, həm də ərazidə fəaliyyət göstərən biznes subyektləri üçün xidmət keyfiyyətinin yüksəldilməsi və müştəri məmnuniyyətinin artırılması baxımından mühüm əhəmiyyət daşıyaraq, sığorta xidmətlərinə rahat və operativ çıxış imkanı yaradacaq.
Xatırladaq ki, "Qala Sığorta" ASC 14 nümayəndəlik, 2 filial və 20-dən çox xidmət ofisi ilə Azərbaycanın sığorta bazarında ən geniş xidmət şəbəkəsinə malik şirkətlərdən biridir.
"Qala Həyat Sığorta" ASC isə Azərbaycanın ilk həyat sığortası şirkəti olaraq, bazarda həyat sığortası mədəniyyətinin formalaşmasına və inkişafına mühüm töhfələr verir.
