ABŞ Senatında respublikaçı Tommi Tubervill iranlı və çinli abituriyentlərə ABŞ universitetlərinə daxil olmaq üçün tələbə vizalarını qadağan edən qanun layihəsi təqdim edib.
Bu barədə "Azad İran" "Telegram" kanalı xəbər verir.
Senator bəyan edib ki, "düşmən dövlətlərdən" olan tələbələr milli təhlükəsizliyə risklər yaradır və ABŞ-lilərin özləri üçün şansları azaldır.
Qanun layihəsi əcnəbi tələbələr üçün kvotaları və viza rejimi pozulmalarına görə cəzaların sərtləşdirilməsini nəzərdə tutur.
"Biz yol verə bilmərik ki, iranlılar ABŞ-yə gəlsinlər və bizi məhv etməyə hazırlaşsınlar", - deyə Tubervill "Fox News"a verdiyi müsahibədə bildirib.
Əgər qanun layihəsi qəbul olunarsa, minlərlə iranlı tələbə ABŞ-də təhsil almaq üçün ciddi maneələrlə üzləşəcək.
