ABŞ ən güclü nüvə başlıqlarından birini təkmilləşdirdi

ABŞ-də ilkin versiyadakı "B61" termonüvə bombası modifikasiya edilib və "B61-13" nüvə döyüş başlığının ilk nümunəsi istehsal edilib.

Oxu.Az-ın xəbərinə görə, bu barədə ABŞ-nin Milli Nüvə Təhlükəsizliyi Agentliyi (NNSA) ölkənin Energetika Nazirliyinin rəhbəri Kris Rayta istinadən məlumat verib.

Onun sözlərinə görə, döyüş başlığının yaradılması planlaşdırılan vaxtdan bir il əvvəl tamamlanıb. Rayt əlavə edib ki, proqramın reallaşdırılma sürəti döyüş başlığını "Soyuq müharibədən bu yana ən sürətli təkmilləşdirilən və istifadə edilən silahlardan biri" edib.

Kris Rayt əlavə edib ki, güc yolu ilə sülhün təmin edilməsi üçün ölkənin nüvə arsenalının modernləşdirilməsi ABŞ-nin planlarına daxildir. Silahın təntənəli təqdimatı zamanı Rayt şəxsən ilk döyüş başlığına möhür vurub.