Almaniya Federal Kəşfiyyat Xidməti (BND) potensial yeni işçilərin diqqətini cəlb etmək üçün onlayn mağaza açıb.
Oxu.Az xəbər verir ki, bu barədə DPA agentliyi məlumat yayıb.
Burada təxminən 20 növ mal satılır: Köynəklər, termoslar, qələmlər və corablar. Kampaniyanın devizi "Dövlət sirrinin şəxsi mülkiyyətdə olması"dır.
Kəşfiyyat nümayəndəsi Martin Heynemannın sözlərinə görə, mağazanın məhsullarına tələbat çox yüksəkdir. O özəl şirkət vasitəsilə idarə olunur. Gələcəkdə məhsulların çeşidinin genişləndirilməsi planlaşdırılır.
"BND mağazası ilə biz xüsusi olaraq gənclərə müraciət etmək və nüfuzumuzu artırmaq istəyirik. Axı, BND cəlbedici işəgötürəndir və daim gənc kadrlar axtarır", - Heynemann vurğulayıb.
Qeyd edək ki, BND Almaniyanın xarici kəşfiyyat xidmətidir. Onun 6,5 minə yaxın işçisi var.
