Almaniyanın Leypsiq yaxınlığındakı Delsiq şəhərində volyerdən qaçan pələng bir nəfərə hücum edib.
Oxu.Az xəbər verir ki, bu barədə Almaniyanın MDR teleradio şirkəti hüquq-mühafizə orqanlarına istinadən məlumat yayıb.
Hücumdan sonra pələng ərazidən uzaqlaşıb. Silahlı polis əməkdaşları pələngi yerli bağ massivinin ərazisində aşkarlayıblar və insanların təhlükəsizliyi üçün onu zərərsizləşdirmək qərarı veriblər.
Polisin məlumatına görə, pələng sənaye zonasında yerləşən volyerdə saxlanılırmış.
Obyektin sahibi heyvan təlimçisi olan qadındır. Bildirilir ki, nəzarət orqanlarının daha əvvəl də heyvanların saxlanma şəraiti ilə bağlı ona iradları olub. Volyer sahibi ilə bağlı əvvəlki məhkəmə işi isə cərimə ödənildikdən sonra dayandırılıb.
Qaynar xətt:
(055) 224 12 12
