Amerikalı boksçu dünya çempionu titulunu Özbəkistan təmsilçisindən aldı

Amerikalı boksçu Terens Krouford Ümumdünya Boks Assosiasiyası (WBA) titulu uğrunda döyüşdə Özbəkistan təmsilçisi İsrail Madrimovu məğlub edib.

Oxu.Az xəbər verir ki, nəticələr təşkilatın saytında yerləşdirilib.

Məlumata görə, Los-Ancelesdə baş tutan döyüş 12 raund davam edib və yekdil qərarla amerikalı idmançının qələbəsi ilə yekunlaşıb.

Hazırda Krouford gənclər arasında orta çəkidə WBA çempionudur. Onun hesabında 41 qələbə var və heç bir məğlubiyyəti yoxdur.

Madrimov üçün də bu məğlubiyyət karyerasında ilk idi. Cari döyüşə qədər boksçu 10 qələbə və bir heç-heçə əldə etmişdi.