"Apple" WWDC-də bir neçə süni intellekt (AI) funksiyasını elan etdikdən sonra şirkətin səhmləri 7% artaraq hər bir səhm üçün 207 dollara (təxminən 352 manat) yüksəlib.
Qeyd olunur ki, bu xəbər investorlar və analitiklər arasında şirkətin süni intellekt sahəsindəki perspektivləri ilə bağlı nikbinliyə səbəb olub.
Əsas elanlara genişləndirilmiş imkanlara malik yenilənmiş "Siri" səsli köməkçisi, kontekstli dialoq üçün "OpenAI"nin məşhur "ChatGPT" modeli ilə inteqrasiya, mətnlərin yazılması və şəkillərin yaradılmasına kömək etmək üçün alətlər, həmçinin istifadəçi sorğuları əsasında emojilərin generasiyası daxildir.
Mənbə: CNBC
