ABŞ Suriyadan qoşunlarını çıxardıqdan sonra İraq öz ordusunu qonşu ölkəyə yeridə bilər.
Oxu.Az Associated Press agentliyinə istinadən xəbər verir ki, bunu İraq baş naziri Adil Abdul-Mahdi bəyan edib.
Onun sözlərinə görə, məqsəd İraqı qonşu ölkələrdən gələn təhlükələrdən qorumaqdır.
“Bunun üçün bütün mümkün variantlar nəzərdən keçirilir”, - deyə İraq baş naziri vurğulayıb.
Qeyd edək ki, ABŞ öz hərbi kontingentinin Suriyadan çıxarılması qərarını verib. Prosesin üç ay çəkəcəyi gözlənilir.
