Böyük Britaniyanın yeni baş naziri olacaq Endi Börnhemin rəhbərlik edəcəyi hökumətdə süni intellektin inkişafı üzrə dövlət naziri postu yaradılacaq.
Oxu.Az "The Sunday Times" qəzetinə istinadən xəbər verir ki, bu barədə Börnhemin nümayəndəsi məlumat verib.
Yeni nazirin hansı nazirliyin tabeliyində fəaliyyət göstərəcəyi hələlik məlum deyil. Bununla yanaşı, qəzet qeyd edib ki, yeni nazir geniş səlahiyyətlərə malik olacaq və Nazirlər Kabinetinin iclaslarında iştirak etmək hüququ qazanacaq.
Xatırladaq ki, Endi Börnhem iyulun 17-də Böyük Britaniyanın hakim Leyboristlər Partiyasının lideri seçilib. İyulun 20-də Bukingem sarayında Kral III Çarlzla görüşdən sonra o, rəsmən Birləşmiş Krallığın baş naziri vəzifəsinin icrasına başlayacaq və monarx ona hökuməti formalaşdırmaq tapşırığını verəcək.
Qeyd edək ki, iyunun 22-də Kir Starmer Leyboristlər Partiyasının lideri və Böyük Britaniyanın baş naziri postlarından istefa verəcəyini bəyan etmişdi.
