Böyük Britaniyada üzərində Kral III Çarlzın portreti olan 1 funt sterlinqlik sikkə dövriyyəyə buraxılıb.
Oxu.Az-ın xəbərinə görə, bu barədə Böyük Britaniyanın Kral Zərbxanası rəsmi saytında məlumat verilib.
Bildirilib ki, 1 funt sterlinqlik 2,975 milyon sikkə artıq ölkə üzrə bank filiallarına göndərilib.
Xatırladaq ki, daha əvvəl üzərində kralın portreti olan 50 pens dəyərində sikkələr dövriyyəyə buraxılmışdı.
III Çarlz 2022-ci il sentyabrın 8-də II Elizabetin ölümündən sonra Britaniya taxtına oturub. Monarxın tacqoyma mərasimi 6 may 2023-cü ildə Londondakı Vestminster abbatlığında baş tutub.
Rəylər