Cənubi Koreya Milli Assambleyasında (parlament) dekabrın 27-də aparıcı müxalifət partiyası "Toburo"nun təşəbbüsü ilə prezidentin səlahiyyətlərini müvəqqəti icra edən Baş nazir Han Dok Sunun impiçmenti ilə bağlı səsvermə keçiriləcək.
Oxu.Az bu barədə "Yonhap" agentliyinə istinadən xəbər verib.
Məlumatda, həmçinin qeyd olunub ki, Cənubi Koreya qanunvericiliyində prezidentin səlahiyyətlərini icra edən şəxsin impiçment presedenti yoxdur, bu səbəbdən impiçment üçün lazım olan meyarlar ətrafında müzakirələr aparılır.
Qeyd edək ki, Cənubi Koreya Prezidenti Yun Sok Yolun ölkədə hərbi vəziyyət elan etməsindən sonra ölkədə siyasi böhran yaşanıb. Bu addım ictimai narazılıq və etirazlara səbəb olub, həmçinin müxalif deputatlar tərəfindən prezidentə qarşı impiçment elan edilməsi ilə nəticələnib. Hüquq-mühafizə orqanları prezidentin ofisinə basqın edib, axtarışlar həyata keçirib. Axtarışlar hərbi vəziyyətin elan edilməsi ilə bağlı verilən qərarın araşdırılması üçün yaradılmış xüsusi istintaq qrupu tərəfindən aparılıb. Bundan sonra prezidentin səlahiyyətlərini ölkənin Baş naziri Han Dok Sun icra edir.
