Çin Xalq Azadlıq Ordusunun Şərq Döyüş Komandanlığı qoşunların Tayvanı mühasirəyə aldığını və kritik hədəflərə zərbə endirdiyini göstərən hərbi təlimlərin videosunu yayıb.
Oxu.Az xəbər verir ki, bu barədə CCTV məlumat yayıb.
Tayvan boğazının mərkəzi və cənub sularında "Boğazda ildırım-2025A" hərbi təlimləri başlayıb. Qeyd olunub ki, Çin ordusunun bir neçə qırıcı-bombardmançı təyyarəsi zərbə mövqelərinin yaradılması ssenarisini hazırlayıb. Ordunun Şərq Döyüş Komandanlığının nümayəndəsi Şi İnin sözlərinə görə, təlimlər regional nəzarət, birgə blokada və dəqiq zərbələr zonalarında qoşunların imkanlarını yoxlamaq məqsədi daşıyır.
Tayvan Müdafiə Nazirliyi səhər saatlarında Çin ordusunun 76 təyyarə və 15 gəmisinin adaya yaxınlaşdığını bildirib. Departamentin məlumatına görə, 37 təyyarə Tayvanın şimal, mərkəzi, cənub-qərb və şərq hava hücumundan müdafiə zonalarına daxil olub.
