Çində "Yebatan" su elektrik stansiyasının birinci mərhələsi rəsmi olaraq elektrik enerjisi istehsalına başlayıb.
Oxu.Az "IThome" nəşrinə istinadən xəbər verir ki, bu obyekt ölkədə tağşəkilli bəndə malikdir və inşa olunan ən yüksək dağlıq su elektrik stansiyasıdır.
Stansiyanın ümumi quraşdırılmış gücü 2.24 milyon kilovat təşkil edəcək. Hazırda isə ümumi gücü 1.02 milyon kilovat olan ilk iki turbin istismara verilib. Stansiyanın bəndinin hündürlüyü 217 metrə çatır.
Tikinti son dərəcə çətin şəraitdə aparılır: dəniz səviyyəsindən yüksəkdə, soyuq iqlimdə və dağlıq ərazidə. Buna baxmayaraq, mühəndislər cəmi bir ay ərzində iki turbinin işə salınmasına nail olublar.
