Çinin məxfi hipersəs raketi: ABŞ təyyarələri təhlükədə

Çin məxfi hipersəs hava-hava raketinin son sınaqlarını başa çatdırıb.

Oxu.Az xəbər verir ki, bu barədə "South China Morning Post" (SCMP) mənbələrinə istinadən xəbər verir.

Alimlər bildiriblər ki, raketlər Çinin Hərbi Hava Qüvvələrinin Xalq Azadlıq Ordusunun ciddi tələblərinə cavab vermək üçün ekstremal istiliyə qarşı dayanıqlılıq sınaqlarından keçib.

"Bu, hazırda uçuş sınaqlarından keçən "B-21" görünməz bombardmançı təyyarəsi də daxil olmaqla, ABŞ hərbi təyyarələri üçün görünməmiş təhlükə yarada bilən sirli silahın mövcudluğunun ilk rəsmi təsdiqidir", - nəşr yazıb.