Çin Elmlər Akademiyası nəzdindəki Quançjou Geokimya İnstitutunun tədqiqatçıları dünyada ilk dəfə olaraq canlı bitkilərdə nadir torpaq elementləri aşkar ediblər.
Oxu.Az bu barədə "China Daily" nəşrinə istinadən xəbər verir.
Alimlər nadir torpaq elementlərinin minerallaşması ilə bağlı qeyri-adi fenomeni qıjıkimilərdə, xüsusilə də həmişəyaşıl "Blechnum orientale" növündə müşahidə ediblər.
Tədqiqatçılar onun toxumalarında monasit adlı mineralın əmələ gəldiyini müəyyənləşdiriblər. Monasitin tərkibində lantan elementi (La) mövcuddur.
Monasitdən alınan nadir torpaq metalları elektronika, energetika və yüksəktexnologiyalı materialların istehsalı sahələrində geniş istifadə olunur.
