Fransanın Nitsa şəhərinin meri Kristian Estrozi və həyat yoldaşı Lora Tenuci-Estrozi korrupsiyada şübhəli bilinərək saxlanılıblar.
Oxu.Az bu barədə "France Info"ya istinadla xəbər verir.
Bildirilir ki, mer və onun "France 2" telekanalının icmalçısı olan həyat yoldaşı dövlət vəsaitlərinin mənimsənilməsi və faizlərin qanunsuz əldə edilməsi ilə bağlı aparılan istintaq çərçivəsində məhkəməyə çağırılıblar.
Polis əməkdaşları hər iki şübhəlini Marsel şəhərində saxlayıb.
Onlar 2023-cü ildə Nitsada "Avroviziya" uşaq mahnı müsabiqəsinin və İqlim sammitinin təşkilində korrupsiyaya yol verməkdə şübhəli bilinirlər.
