Gürcüstanda azərbaycanlıların kompakt yaşadığı ərazidə zəlzələ

Gürcüstanın cənubundakı Kvemo-Kartli bölgəsinin Dmanisi şəhərində 4.1 bal gücündə zəlzələ baş verib.

Oxu.Az xəbər verir ki, bu barədə Gürcüstanın Milli Seysmik Monitorinq Mərkəzi məlumat yayıb.

Qeyd olunur ki, zəlzələnin episentri Tbilisidən 49 kilometr aralıda yerləşib.

Yeraltı təkan 7 kilometr dərinlikdə olub. Xəsarət alanlar və dağıntı barədə məlumat verilmir.

Məlumat üçün əlavə edək ki, Dmanisi Azərbaycanlıların kompakt yaşadığı rayondur.