Gürcüstanda müxalifət birləşir

Gürcüstanda altı müxalifət partiyası oktyabrda keçiriləcək parlament seçkisi ərəfəsində "Birlik Bəyannaməsi" imzalayıb.

Bunlar "Vahid Milli Hərəkat", "Girchi - More Freedom", "Droa", "Lelo for Georgia", "Agmaşenebeli Strategy" və "Axali"dir.

Bəyannaməyə digər müxalifət partiyalarına da qoşulmaq imkanı veriləcək.

Sənəddə seçki öncəsi vahid strategiyanın yaradılması, gənclər təşkilatları ilə sıx əməkdaşlıq və seçkidə qələbə olacağı təqdirdə siyasi koalisiyaya hazır olmaq nəzərdə tutulur.

Mənbə: 1tv.ge