Hindistanın mərkəzi hissəsində, Çattisqarh ştatında sərnişin və yük qatarlarının toqquşması nəticəsində 11 nəfər həlak olub və 20 nəfər yaralanıb.
Oxu.Az xəbər verir ki, bu barədə dəmiryol administrasiyasının nümayəndələri bildiriblər.
Qeyd olunur ki, sərnişin qatarı işıqforun qırmızı işığını keçdikdən sonra saatda 60-70 km sürətlə yük qatarına çırpılıb. Məlumata görə, zərbə o qədər güclü olub ki, sərnişin vaqonu yük qatarının damına düşüb. Toqquşan qatarın maşinisti həlak olub.
Hazırda hadisə ilə bağlı araşdırma aparılır.
Xatırladaq ki, qatarlar noyabrın 4-də toqquşub. Daha əvvəl hadisə nəticəsində altı nəfərin öldüyü və bir neçə nəfərin xəsarət aldığı bildirilirdi.
