Tibbi ekspertlər Beyrutun cənub kənarında uçulmuş evin dağıntıları altından çıxarılan "Hizbullah" təşkilatının baş katibi Həsən Nəsrullahın cəsədində heç bir yara izi tapmayıblar.
Oxu.Az xəbər verir ki, bu barədə "Al Nahar" qəzeti paytaxtdakı xəstəxanalardan birində aparılan tibbi müayinənin nəticələrinə istinadən məlumat yayıb.
Nəşrin məlumatına görə, ekspertlər Nəsrullahın partlayış zamanı baş və gövdə nahiyəsindən aldığı küt zədə nəticəsində öldüyü qənaətinə gəliblər.
Qeyd edək ki, sentyabrın 27-də dünyasını dəyişən şiə siyasətçi 32 il "Hizbullah"a rəhbərlik edib.
İsrailin Beyruta hava hücumlarından sonra "Hizbullah" lideri Həsən Nəsrullahın öldürüldüyü yerin görüntüləri paylaşılıb.
Oxu.Az xəbər verir ki, kadrları "Azad İran" dərc edib.
Habelə, Nəsrullahın meyitinin dağıntılar altından çıxarılma anı da yayımlanıb.
