"Ötən həftənin sonunda İran ali rəhbərinin müşaviri Əli Şamxaninin qızının toyundan yayılan görüntülər mediada və sosial şəbəkələrdə əsl bomba effekti doğurub və tezliklə İranın hüdudlarını da aşaraq, beynəlxalq səviyyədə müzakirə olunmağa başlayıb".
Bu barədə "Azad İran" "YouTube" kanalının hazırladığı videosüjetdə bəhs edilir.
Materialda qeyd edilir ki, bu, özlüyündə İranda mövcud olan siyasi sistemin eybəcərliklərindən biridir ki, Şamxani ailəsinin keçirdiyi toy mərasimi məişət hadisəsi olmaqdan çıxaraq, ölkənin siyasi gündəminə daxil olub, hətta məsələyə hökumət səviyyəsində münasibət bildirilib.
"Hadisəyə geniş diqqəti şərtləndirən cəhətlərdən biri də budur ki, Əli Şamxani İran Ali Rəhbəri Əli Xameneinin çox sayda müşaviri arasında sıradan bir fiqur deyil, ölkənin siyasi-hərbi elitasında önəmli mövqeyə malik və beynəlxalq səviyyədə tanınan bir şəxsdir. Belə ki, o, uzun illər İran Ali Milli Təhlükəsizlik Şurasının katibi olub, daha əvvəl isə səkkiz il ərzində ölkənin müdafiə naziri postunu tutub, bundan öncə isə Hərbi-Dəniz Qüvvələrinin komandanı olub, kontr-admiral rütbəsinə malikdir. Lakin bu da Şamxaninin personasına xüsusi marağın yeganə səbəbi deyil - o, həm də İslam Respublikasının rəhbər heyətində oliqarx məmur kimi tanınır və onun ailəsinin sərvəti barədə əfsanələr dolaşır. Bu sərvət İran hakimiyyətində sistemli xarakter daşıyan korrupsiya və ölkənin məruz qaldığı sanksiyalardan yan keçmək üçün tətbiq olunan gizli iqtisadi sxemlər yolu ilə əldə olunub", - deyə materialda bildirilir.
Daha ətraflı videosüjetdə:
