İranla əlaqəli olduqları iddia edilən hakerlər ABŞ Prezidenti Donald Trampın ətrafından oğurladıqları məktubları yayımlamaqla hədələyiblər.
Oxu.Az bu barədə "Reuters" agentliyinə istinadla məlumat verir.
Bildirilir ki, kibercinayətkarların əlinə Ağ Evin aparat rəhbəri Syuzan Uayls, ABŞ prezidentinin vəkili Lindsi Xalliqan, dövlət başçısının müşaviri Rodcer Stoun, eləcə də pornoaktrisa Stormi Denielsin hesablarından təxminən 100 giqabaytlıq material keçib.
Agentlik qeyd edir ki, hakerlər bu elektron məktubları satmağa hazır olduqlarını bildiriblər, lakin onların məzmunu barədə məlumat verməyiblər.
