İsrailin həyata keçirdiyi hava hücumu nəticəsində İran Kosmik Agentliyinin paytaxt Tehranda yerləşən əsas elmi-tədqiqat mərkəzi sıradan çıxarılıb.
Oxu.Az-ın verdiyi xəbərə əsasən, bu məlumatı İsrail Silahlı Qüvvələrinin mətbuat xidməti rəsmi olaraq yayıb.
İsrail rəsmilərinin açıqlamasına görə, vurulan mərkəzdə müxtəlif tədqiqatlar üçün nəzərdə tutulan strateji laboratoriyalar fəaliyyət göstərib, burada kəşfiyyat məlumatlarının toplanması, müşahidələrin aparılması və Yaxın Şərq regionundakı obyektlərin hədəfə alınması məqsədilə hərbi təyinatlı peyklərin yığılması həyata keçirilib.
Bununla yanaşı, hərbi idarə hava hücumundan müdafiə sistemlərinin istehsal edildiyi daha bir neçə obyektə də zərbələr endirildiyini diqqətə çatdırıb.
