İtaliya hökuməti anomal isti hava şəraiti səbəbindən 27 iri şəhərdə ən yüksək təhlükə səviyyəsi elan edib.
Oxu.Az ANSA agentliyinə istinadən xəbər verir ki, proqnozlara əsasən, bəzi bölgələrdə havanın temperaturunun 40 dərəcəyə çatdığı qızmar istilərin azı daha 10 gün davam edəcəyi gözlənilir.
"İtaliya Səhiyyə Nazirliyinin xəbərdarlıq sistemi çərçivəsində izlədiyi 27 iri şəhərin hamısı ölkədə bu il dördüncü isti dalğası fonunda ilk dəfə olaraq maksimum, "qırmızı" həyəcan səviyyəsinə keçib", - deyə agentlik məlumat verib.
Xüsusilə, ən yüksək təhlükə səviyyəsi Roma, Bolonya, Neapol, Milan, Venesiya, Verona, Florensiya, Peruca, Palermo, Bari, yəni praktiki olaraq ölkənin bütün iri turizm mərkəzlərində tətbiq olunub.
Qaynar xətt:
(055) 224 12 12
