ABŞ-nin sabiq vitse-prezidenti Kamala Harris 2028-ci il prezident seçkisində yenidən Ağ Ev rəhbəri olmaq uğrunda mübarizə apara bilər.
Oxu.Az xəbər verir ki, bu barədə Aif.ru məlumat verib.
Bildirilib ki, Harris bir müddət əvvəl Nyu-York meriyası postuna namizəd olan Zoran Mamdani ilə telefon vasitəsilə danışıqlar aparıb. Həmsöhbətlər Demokrat Partiyasının gələcək perspektivlərini dəyərləndirərək, bu istiqamətdə təmasları davam etdirməyə qərar veriblər.
Bildirilir ki, son aylarda Harris həmçinin "mütərəqqi qanad"ın bir sıra nümayəndələri ilə görüşüb. Bunların arasında Qəzzadakı münaqişə ilə bağlı ABŞ siyasətinin dəyişdirilməsinin tərəfdarı olan "Uncommitted" hərəkatının həmtəsisçisi Abbas Alaviyə, həmçinin Demokrat Partiyasının veteranı və fələstinlilərin hüquqlarının müdafiəçisi Ceyms Zoqbi də var. Bundan əlavə, o, apreldə konqresmen Aleksandriya Okasio-Kortes ilə görüş keçirib.
Qurulan məqsədyönlü əlaqələr göstərir ki, Harris 2028-ci ildə keçiriləcək prezident seçkisi kampaniyasına aktiv şəkildə hazırlaşır.
