Rusiyanın Kamçatka diyarında Kraşeninnikov vulkanının püskürməsi başlayıb.
Oxu.Az-ın xəbərinə görə, bu barədə Kamçatka Vulkan Püskürməsi üzrə Reaksiya Qrupu (KVERT) məlumat yayıb.
Vulkanın avqustun 2-də axşam saatlarında püskürməyə başladığı bildirilir. Püskürmə zamanı kül tullantıları dəniz səviyyəsindən 6 kilometr hündürlüyə çatıb.
Məlumata görə, müşahidələr tarixi ərazində Kraşeninnikov vulkanının püskürməsi ilk dəfə qeydə alınıb.
Kraşeninnikov vulkanına narıncı aviasiya təhlükə kodu verilib. Yaşayış məntəqələrində kül tullantılarının düşməsi qeydə alınmayıb.
:640.jpg)
