Kolumbiya Prezidenti Qustavo Petro ABŞ tərəfindən istənilən hücumun müharibənin başlanğıcı olacağını bildirib.
Oxu.Az xəbər verir ki, bu barədə ölkə başçısı sosial şəbəkə hesabında məlumat verib.
Petro ABŞ Prezidenti Donald Trampın Kolumbiyanın ölkədəki kokain istehsalına görə hücum hədəfinə çevrilə biləcəyi ilə bağlı sözlərinə münasibət bildirərkən belə deyib.
O, rəsmi Vaşinqtonu diplomatik münasibətləri pozmamağa çağıraraq, ABŞ liderini Kolumbiyaya dəvət edib.
Xatırladaq ki, Tramp ABŞ ordusunun narkotiklərin qanunsuz dövriyyəsinə qarşı mübarizə çərçivəsində Latın Amerikasında quru hədəflərə zərbələr endirməyə başlayacağını söyləyib.
