Kolumbiya hakimiyyəti ölkənin Təhlükəsizlik Şurasının iclasından sonra Venesuela ilə sərhədə silahlı qüvvələrini yerləşdirmək qərarına gəlib.
Oxu.Az-ın xəbərinə görə, bu barədə Kolumbiya Prezidenti Qustavo Petro öz "X" hesabında paylaşım edib.
"Qaçqınların axın etmələri halına qarşı sərhədə silahlı qüvvələr, eləcə də bütün mövcud resurslar göndərilir", - deyə o yazıb.
Kolumbiya Prezidenti Qustavo Petro Venesuelanın paytaxtı Karakasın bombalanmasından sonra Birləşmiş Millətlər Təşkilatının (BMT) və Amerika Dövlətləri Təşkilatının (ADT) təcili iclaslarının keçirilməsi üçün çağırış edib.
Oxu.Az-ın xəbərinə görə, bu barədə o, "X" hesabında yazıb:
"Hazırda Karakas bombalanır. Bütün dünya üçün xəbərdarlıq elan olunur: Venesuelanın paytaxtına raket zərbəsi endirilib. ADT və BMT dərhal toplaşmalıdırlar".
