Tripolidə şiddətli toqquşmalar: Mərmi beynəlxalq şirkətlərin yerləşdiyi binaya düşüb

Liviyanın paytaxtı Tripolidə Milli Həmrəylik Hökuməti ilə Sabitliyə Dəstək Birliyinin silahlı qruplaşması arasında hərbi toqquşmalar davam edir.

Oxu.Az xəbər verir ki, bu barədə "Al Wasat" telekanalı məlumat yayıb.

Mənbə yazır ki, müxalif qüvvələrdən birinin atdığı mərmi beynəlxalq şirkətlərin və bank ofislərinin yerləşdiyi binaya düşüb.

Hələlik hadisə nəticəsində xəsarət alanların olub-olmadığı məlum deyil.

10:20

Liviyanın paytaxtı Tripolidə Milli Həmrəylik Hökuməti ilə Sabitliyə Dəstək Birliyinin silahlı qruplaşması arasında silahlı toqquşmalar olub.

Oxu.Az xəbər verir ki, bu barədə "Al Wasat" telekanalı məlumat yayıb.

Qeyd olunur ki, müxalif Sabitliyə Dəstək Birliyinin silahlıları Tripolinin bəzi giriş nöqtələrinə, o cümlədən Mitiqa hava limanına aparan yola və Birliyin qərargahına yerləşdiriliblər.

Bundan əlavə, Tripolidə toqquşmaların davam etdiyi vaxt məhbuslar paytaxtda yerləşən Əl-Cədidə həbsxanasından qaçıblar.

Liviya paytaxtının bəzi təhsil müəssislərində dərslər dayandırılıb, imtahanlar təxirə düşüb. Tripolinin Mitiqa Beynəlxalq Hava Limanından bütün uçuşlar Misrata hava limanına istiqamətləndirilib.

Məlumat üçün əlavə edək ki, 2014-cü ildən Liviya faktiki olaraq iki hissəyə bölünüb. BMT tərəfindən tanınan Milli Həmrəylik Hökuməti ölkənin qərbinə, hökumətə müxalif Sabitliyə Dəstək Birliyi isə ölkənin şərq hissəsinə nəzarət edir. Tərəflər mütəmadi silahlı qarşıdurmadadırlar.