"Melissa" qasırğası zamanı Karib hövzəsində 40-dan çox insan həlak olub.
Oxu.Az xəbər verir ki, bu barədə "The Washington Post" nəşri məlumat yayıb.
Məlumata görə, qasırğa nəticəsində ölənlər Haiti, Dominikan Respublikası və Yamayka sakinləridir.
Təbiət hadisəsi nəticəsində ölənlərin sayının artacağı istisna olunmur.
ABŞ Milli Qasırğa Mərkəzinin son məlumatlarına görə, "Melissa" Baham adalarından keçərək Atlantik okeanının dərinliklərinə doğru irəliləyir.
